எண்ணெய் குளியலின் நன்மைகள் பற்றி தெரிந்துகொள்வோமா?


உங்கள் வணிகத்தை உலகறிய செய்கிறோம்.
விளம்பரம் செய்ய +91 978 978 3312.

எண்ணெய் குளியல் என்பது பாரம்பரியமாக கடைப்பிடிக்கப்பட்டு வரும் ஆரோக்கியம் குறித்த ஒன்று. நமது முன்னோர் வியக்க வைக்கும் அருமையான ஆரோக்கியத்தில் எண்ணெய் குளியலுக்கும் மிக முக்கிய பங்குண்டு என்பதை மறுக்க முடியாது.

எண்ணெய் குளியலைத் தொடர்ந்து எடுக்கும் போது கூந்தல் பிரச்சனைகள், சருமப்பிரச்சனைகள், மூட்டுவலி பிரச்ச னைகள் என ஒவ்வொன்றுக்குமே நல்ல தீர்வை அளிக்கும் என்பது கண்டறியப்பட்டுள்ளது.

வாரம் ஒரு நாள் எண்ணெய் குளியல் என்று முன்னோர்கள் காலத்தில் இருந்து கடைப்பிடிக்கப்பட்ட பழக்கமானது இன் றைய காலத்தில் சிறிது சிறிதாக மறைந்து மாதம் ஒரு முறை என்று ஆனது. ஆனால் அதுவும் இப்போதைய தலைமுறையில் எண்ணெய் குளியல் என்பது தீபாவளி காலங்களில் மட்டும் என்று கடைப்பிடிக்கப்படுகிறது.

அதே நேரம் இன்றும் எண்ணெய் குளியலை விடாமல் பின்பற்றுபவர்கள் இருந்தாலும் தீபாவளிக்கு மட்டுமே எண்ணெய் குளியல் கடைப்பிடிக்கப்படும் மக்களின் எண்ணிக்கையும் அதிகமாக இருக்கிறது. அப்படியான எண்ணெய் குளியலும் முறையாக இல்லாமல் இலேசாக கடமைக்கு தலை உச்சியில் தடவி குளிக்கிறார்கள்.

மாத்திரைகளுக்கு அஞ்சாத மூட்டுவலியை அலட்சியப்படுத்தினால் ஒரே இடத்தில் முடக்கிவிடும்

தீபாவளியன்று எல்லா நீர்நிலைகளிலும் நீக்கமற நிறைந்திருக்கிறாள் கங்கை என்பதால் அன்றைய தினம் எண்ணெய் குளியல் கங்கா ஸ்நானம் ஆகியது. அதை உணர்த்தும் வகையில் அன்றைய தினம் எண்ணெய்க் குளியல் செய்ய வேண்டும் என்பதால் அதுவும் கடமைக்கு என்றாகிவிட்டது.

ஆனால் இயற்கையாகவே எண்ணெய் குளியல் அற்புதமான பலன்களை வாரிவழங்குகிறது.ஆரோக்கியம் அழகு என்று எதிலும் குறையில்லாமல் தரும் எண்ணெய்க்குளியலின் பயன்களை அறிவோமா.

எண்ணெய் தேய்த்து குளிப்பது என்பது சாதாரணமானது கிடையாது. அதை உரிய முறையில் செய்ய வேண்டும். எண்ணெய் குளியலில் சில முறைகள் உண்டு. என்னவென்று பார்க்கலாமா?

எண்ணெய் மசாஜ்
தலைக்கு
உடல் உஷ்ணமாக இருந்தாலும் குளிர்ச்சியான உடலைக் கொண்டிருந்தாலும் நல்லெண்ணெயை மிதமாக சூடுபடுத்தி கொள்ளவும். உள்ளங்கையில் பாதியளவு எண்ணெய் விட்டு தலையின் உச்சியில் சூடுபறக்க தேய்க்க வேண்டும். உள் ளங்கை சூடா உச்சி சூடா என்பதற்கேற்ப அனல் பறப்பதை நீங்களே உணர்வீர்கள்.

அதன்பிறகு தலையின் மயிர்க்கால்கள் முதல் வேர் வரை எண்ணெய் தடவி சீப்பு கொண்டு 100 முறை சீவ வேண்டும். இத னால் எண்ணெய் முடியின் வேர்க்கால்கள் முதல் மயிர்க்கால்கள் வரை நன்றாக பரவும். பொடுகு, செதில் பிரச்சனைகளும் நீங்கும்.

சருமத்துக்கு
சருமம் முழுவதும் எண்ணெய் தேய்க்க வேண்டும். குழந்தையின் சருமத்துக்கு ஆயில் மசாஜ் செய்வோமே அது போன்று ஒவ்வொரு உறுப்பு மீதும் எண்ணெய் தடவி மசாஜ் செய்ய வேண்டும். சுத்தமான எண்ணெயாக இருந்தால் கண், காதுகளில் விடுவார்கள். கண்ணுக்கு எண்ணெய் கட்டு என்று இதற்கு பெயருண்டு.

கண்ணுக்கு எண்ணெய் கட்டுவதால் பார்வைத்திறன் கூர்மை அடையும் கண்களில் இருக்கும் அழுக்குகள் நீங்கும். காதுக ளும் அழுக்கின்றி இருக்கும் என்று சொல்வார்கள். ஆனால் இப்போது சுத்தமான நல்லெண்ணெய் என்பது கேள்விக்குறியாக இருக்கும் போது இந்த எண்ணெய் கட்டு செய்ய வேண்டாம் என்று வலியுறுத்துகிறார்கள் மருத்துவர்கள்.

மூட்டுகளுக்கு
உடல் முழுக்க எண்ணெய் தேய்த்து குளித்தாலும் மசாஜ் செய்தாலும் உடலில் மூட்டுகள் இருக்கும் இடத்தில் அதிகப்படி யான எண்ணெய் வைத்து தேய்த்து மசாஜ் செய்வது நல்லது.

வாதம், இடுப்பு, முழங்கால் வலி, மூட்டுவலி பிரச்சனைகள் இருப்பவர்களுக்கு எண்ணெய் குளியல் இதமாக இருக்கும். மூட்டுகளில் தளர தளர எண்ணெய் வைத்து நன்றாக ஊறவிட்டு குளிக்கும் போது சரும துவாரங்கள் வழியாக எண்ணெய் உள்ளே செல்வதால் வலியின் தீவிரம் குறையத்தொடங்கும்.

இவை தொடரும் போது மூட்டுகளில் வலியின்மையை உணரலாம். குழந்தைகளுக்கு சிறு வயது முதலே எண்ணெய் குளிய லும் மூட்டு பகுதிகளில் எண்ணெய் மசாஜ் செய்வதும் வளர்பருவத்தில் அவர்களது மூட்டுகளை வலுவாக வைத்திருக்கும்.

சைனஸ், ஆஸ்துமா பிரச்சனை இருப்பவர்கள் எண்ணெய் குளியலைத் தவிர்க்க வேண்டியதில்லை.மாறாக எண்ணெய் குளி யலின் போது மூலிகை தைலத்தை எண்ணெயில் கலந்து பயன்படுத்தலாம். அதிக நேரம் காத்திருக்காமல் எண்ணெய் மசாஜுக்கு பிறகு இருபது நிமிட நேரத்தில் குளித்துவிடலாம்.

எப்போதெல்லாம் எண்ணெய்
தினமும் எண்ணெய் குளியல் கூடாது ஆண்கள் புதன் மற்றும் சனிக்கிழமைகளிலும், பெண்கள் செவ்வாய் மற்றும் வெள் ளிக் கிழமைகளிலும் எண்ணெய் குளியல் செய்ய வேண்டும் என்று வரையறுத்திருக்கிறார்கள் முன்னோர்கள். இதற்கு ஆன் மிக ரீதியான காரணங்களும் உண்டு.

ஆன்மிகம் தவிர்த்து அறிவியலும் எண்ணெய் குளியல் ஆரோக்கியத்தைத் தருவதாக கூறியிருக்கிறது. பொதுவாக எண் ணெய்க் குளியல் எடுக்கும் போது அதிகாலை 5 மணி முதல் 7 மணிக்குள் எண்ணெய் தேய்த்து ஊறவைத்து குளிக்க வேண் டும். எண்ணெய் குளியலுக்குப் பிறகு குளிர்ந்த நீரைப் பயன்படுத்தாமல் மிதமான வெந்நீரையே பயன்படுத்த வேண்டும்.

About the author

Related

JOIN THE DISCUSSION

Translate »